TAMBA I TUAK MI
“ Molo hupesta ni namora attor
sigop doho!”
“Maksudmu, songon dia
amanguda?! Songon namangarihiti hatam!”
“ Bah, songoni gogo soara, dang dibege ho. Atik naung nengel do ho.
Molo hupesta ni namora i, attor sigop do ho.”
“Unang songoni hatam, bah,
amanguda! Metmet pe sihapur lunjung dijujung do uluna. Hatami songon na
sosuman. Ai sarupa do takkok dohot tuatna. Bah,
namarpesta on memang na mora, alai mora muse do dohot dipangalaho. Sude ulaon na mi nasaripe, aha pe
ulaon i, sai disangahon namarpesta on do ro. Ia, ho, laos ngisngis pe ngingi
on, sai godang do alasanmu asa unang ro.”
“Olo, diantusi ho do
parngluonku. Aha baenon ongkos tusan-tuson.”
“Bah, molo songoni pasipsip ma
di si! Ai, ido soadong didok natua-tua,
‘jonok partubu, jonok an parhundul’ . Anggo sian partubu, au do ho, ho do au.
Alai, pambaenan? ‘ni suan tubu, niumpat melus.’ Unang sai manihai be ho, molo
dang adong naro tu pestam. Wajar do i, ai hope sohea didulo ho pesta. Jadi,
molo ribur pe pesta ni amani Padot on, tontu ala ni pambaenanna doi.”
“Jai, olat ni i nama jambar
nami napogos on?”
No comments:
Post a Comment