Lagu Untuk Anda...!

Hodo Mata ni Ari Binsar

By : Laris Naibaho

Hodo mata ni ari binsar anakku

siboan tua di among nang inongmon

tagamonmu do amang hasian pasu-pasu

molo padot ho patupa nauli nadenggan

tu hami natua-tuam, di hatuaon nami on

Anakku, anak panggoaranku,

Saonari pe, nunga ta alap be boru ni Raja i

Na gabe parumaen hi, lao donganmu marsaripe

Hahalongi ma sian tampuk ni ate-atem

Maranak-marboru hamu, sahat tu na saur matua.

Ref.

Onpe anakku hasian , anak simoloi ajar

Unang sai solsoli akka naung salpu

Tagam ma nauli nadenggan sian Debata

Ai Nunga matua hami, amang dohot inongmon

Sak uban di simajujung, marngalut sude  nang daging on.

Molo adong na solot di ate-atem

Na so tarsukkun ho jala dang taralusi hami,

Pasahat ma anakku tu Tuhani,

Asa ibana mangalusi, pasonang roham

Asa hot ho  mandalani ngolum

 rap dohot parsonduk bolonmi.

***

(liryk ini telah digubah menjadi lagu oleh Feber Manalu)